तुलसीपुर उपमहानगर ६ मोतिपुरमा यात्रुबहाक बस दुर्घटना हुँदा २० यात्रु घाइते भएका छन्।
घोराहीबाट तुलसीपुरतर्फ आउँदै गरेको ना ६ ख ७६३३ नम्बरको बस मोतिपुरको ओरालोमा सडकदेखि तल खस्दा त्यसमा सवार २० यात्रु घाइते भएको इलाका प्रहरी कार्यालय तुलसीपुरले जनाएको छ।
इप्रका तुलसीपुरका प्रमुख डिएसपी श्यामु अर्यालले बसले च्यापेका करिब २२ वर्षका युवकलाई जेसिभीको सहयोगमा उद्धार गरिएको र उनलाई राप्ती प्रादेशिक अस्पताल तुलसीपुरमा उपचारका लागि लगिएको बताए।
बस के कारणले दुर्घटनामा परेको भन्ने खुलेको छैन।
-1746009348.jpg)
