काठमाडौंमा पेस्तोलसहित दुई जना पक्राउ परेका छन्।
पक्राउ पर्नेका महोत्तरी घर भएका २९ वर्षीय सुरेश कुमार राम र दिनेश कुमार राम रहेको जिल्ला प्रहरी परिसर काठमाडौंले जनाएको छ।
सूचनाका आधारमा उनीहरूलाई काठमाडौं उपत्यका प्रहरी कार्यालय रानीपोखरी र प्रहरी वृत्त गौशालाबाट खटिएको टोलीले सोमबार दिउँसो २ बजेतिर पक्राउ गरेको जिल्ला प्रहरी परिसर काठमाडौंका प्रवक्ता अपिलराज बोहराले जानकारी दिए।
उनीहरूले काठमाडौं-८ तिलगंगास्थित डेरामा कटुवा पेस्तोल एक थान, कटुवा पेस्तोलको म्यागेजिन २ थान, खुकुरी एक थान, मोबाइल २ थान लुकाइराखेको एसपी बोहराले बताए।
प्रहरीका अनुसार किटक्याट लेखेर राखेको बट्टाभित्र उनीहरूले ती सामान लुकाएर राखेका थिए।
पक्राउ परेका उनीहरूमाथि थप अनुसन्धान भइरहेको प्रहरीले जनाएको छ।
-1746009348.jpg)
