भक्तपुरमा तीन तले घरबाट खस्दा एक किशोरको मृत्यु भएको छ।
आइतबार मध्यपुर थिमी नगरपालिका-१ लोकन्थली आँखा अस्पतालस्थित बस्ने १६ वर्षीय सौरभ महतो पञ्जियाको मृत्यु भएको महानगरीय प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिए।
धनुषा जनकपुर उपमहानगरपालिका-६ घर भई लोकन्थलीमा बस्दै आएका अनुपमका छोरा सौरभ आइतबार बिहान करिब ३ बजे घरको तीन तलाबाट खसेका थिए।
उनलाई उपचारको लागि समिट अस्पताल लोकन्थली लगिएको थियो। त्यहाँ उपचारको क्रममा बिहान ४ बजे मृत्यु भएको प्रहरी नायब उपरीक्षक पाण्डेले बताए।
घटनास्थलमा अनुसन्धान अधिकृतसहितको प्रहरी टोली अनुसन्धान गरिरहेको परिसरले जनाएको छ।
-1746009348.jpg)
