हाल मनसुनको न्यून चापीय रेखा पश्चिमतर्फ सरदर स्थानको आसपास तथा पूर्वतर्फ सरदर स्थानको दक्षिणमा रहेको छ।
देशभर मनसुनी वायु, पश्चिमी वायुको साथै भारतको उत्तर प्रदेश आसपास रहेको न्यूनचापीय क्षेत्रको समेत प्रभाव रहेको जल तथा मौसम पूर्वानुमान महाशाखाले जनाएको छ।
आइतबार बिहान हाल देशभर अधिकांश बादल लागेको छ।
हाल देशभर अधिकांश बादल लागेको छ। गण्डकी, लुम्बिनी र सुदूरपश्चिम प्रदेशमा धेरै स्थानमा, बागमती र कर्णाली प्रदेशको केही स्थानमा साथै कोशी र मधेश प्रदेशको थोरै स्थानमा हल्का देखि मध्यम वर्षा भइरहेको छ।
पछिल्लो १२ घन्टामा मधेस, बागमती र गण्डकी प्रदेशमा भारीदेखि धेरै भारी वर्षा भएको छ। लुम्बिनी, कर्णाली र सुदूरपश्चिम प्रदेशमा हल्कादेखि मध्यम वर्षा भएको छ।
पछिल्लो १२ घन्टामा चितवनको माडीमा १९८.८ मिलिमिटर, मेघौलीमा १८७.६ मिलिमिटर, वर्षा भएको छ।
पूर्वी नवलपरासीको दमकौलीमा १७२.४ मिलिमिटर, तनहुँको कोटगाउँमा १७२.४ मिलिमिटर, नवलपरासीको बर्दघाटमा १४५ मिलिमिटर वर्षा मापन भएको छ।
पाल्पा, स्याङ्जा, म्याग्दी, पर्वत, मकवानपुरका विभिन्न स्थानमा १०० मिलिमिटरभन्दा बढी वर्षा मापन भएको छ।
आइतबार दिउँसो देशभर साधारणतया बादल लाग्ने पूर्वानुमान छ।
सुदूरपश्चिम प्रदेशका हिमाली र पहाडी भू-भागका धेरै स्थानमा, बागमती, गण्डकी, लुम्बिनी र कर्णाली प्रदेशका हिमाली र पहाडी भू-भागका केही स्थानमा तथा कोशी प्रदेशका हिमाली र पहाडी भू-भागका थोरै स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना रहेको महाशाखाले जनाएको छ।
त्यस्तै सुदूरपश्चिम प्रदेशका तराई भू-भागका धेरै स्थानमा, मधेश, बागमती, गण्डकी र लुम्बिनी प्रदेशको तराई भू-भागका केही स्थानमा तथा कोशी प्रदेशको तराई भू-भागका एक-दुई स्थानमा मेघगर्जन/चट्याङ्ग सहित मध्यमसम्मको वर्षाको सम्भावना रहेको महाशाखाले जनाएको छ।
गण्डकी र सुदूरपश्चिम प्रदेशका साथै मधेश र बागमती प्रदेशको तराई भू-भागका एक-दुई स्थानमा भारी वर्षाको सम्भावना छ |
लुम्बिनी र सुदूरपश्चिम प्रदेशको तराई भू-भागका थोरै स्थानमा हावाहुरीको समेत सम्भावना रहेको महाशाखाले जनाएको छ।
आइतबार राति सुदूरपश्चिम प्रदेशका साथै कोशी, बागमती, गण्डकी, लुम्बिनी र कर्णाली प्रदेशको हिमाली भू-भागमा साधारणतया बादल लाग्नेछ र बाँकी भू-भागमा आंशिक बादल लाग्ने पूर्वानुमान छ।
राति कर्णाली र सुदूरपश्चिम प्रदेशका हिमाली र पहाडी भू-भागका केही स्थान तथा कोशी, बागमती, गण्डकी र लुम्बिनी प्रदेशका हिमाली र पहाडी भू-भागका थोरै स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना रहेको महाशाखाले जनाएको छ।
सुदूरपश्चिम प्रदेशका तराई भू-भागका केही स्थानमा, बागमती, गण्डकी र लुम्बिनी प्रदेशको तराईका थोरै स्थान, मधेश प्रदेश तथा कोशी प्रदेशको तराई भू-भागका एक-दुई स्थानमा मेघगर्जन/चट्याङ्ग सहित मध्यमसम्मको वर्षाको सम्भावना रहेको महाशाखाले जनाएको छ।
-1790328445.jpeg)
-1788334994.jpg)
.JPG)
-1746513231.jpg)
