सर्वियन टेनिस स्टार नोभाक जोकोभिकको भिसा रद्द नगर्न अस्ट्रेलियाको एक अदालतले सोमबार आदेश दिएको छ।
सर्किट कोर्टका न्यायाधिस एन्थोनी केलीले भिसा रद्द गर्ने यसअघिको निर्णय खारेज गरिदिएका हुन्।
साथै उनलाई मेलवर्नको होटल क्वारेन्टिनबाट ३० मिनेट भित्रमा छाड्न पनि आदेश दिइएको छ।
गत साता भ्याक्सिन नलगाइ अस्ट्रेलिया छिरेको भन्दै जोकोभिकको भिसा रद्द गरिएको थियो।
अस्ट्रेलियन ओपन खेल्न मेलवर्न पुगेका उनले डिपोर्ट गर्ने र भिसा रद्दविरूद्ध मुद्दा दायर गरेका थिए।
गत बुधबार मेलवर्न पुगेका उनलाई अधिकारीहरूले कोभिड-१९ को मापदन्ड नपुगेको भन्दै भिसा रद्द गर्ने निर्णय गरेका थिए।
तर उनले आफू कोभिड-१९ बाट संक्रमित नभएकाले भ्याक्सिन कार्ड देखाउन नपर्ने दाबी गर्दै मुद्दा दायर गरेका थिए।
