प्रतिनिधिसभाको बैठक चैत ३० गतेसम्मका लागि स्थगित गरिएको छ।
यसअघि चैत १२ गते सूचना निकालेर चैत २३ गते बैठक राखिएको थियो। तर कोरोनाभाइरस त्रास कायमै रहेको र लकडाउन पनि जारी रहेको भन्दै संघीय संसद सचिवालयले चैत ३० गते आइतबार दिनको १ बजेका लागि बैठक राखेको हो।
संघीय संसदका कार्यवाहक महासचिव गोपालनाथ योगीले शुक्रबार सूचना निकालेर सरकारले अत्यावश्यक सेवाबाहेक आवतजावतमा लगाएको प्रतिबन्ध यथावत् राखेको कारण बैठक बस्न नसक्ने भएकोले ३० गतेसम्मका लागि स्थगित गरिएको उल्लेख गरेका छन्।
