नेकपा एमालेका अध्यक्ष केपी शर्मा ओलीले प्रधानमन्त्रीमा नेपाली कांग्रेसका सभापति शेरबहादुर देउवालाई विश्वासको मत दिने २२ जना एमाले सांसदलाई माफी दिने बताएका छन्।
आज च्यासलस्थित तुलसीलाल प्रतिष्ठानको भवनमा पार्टी संस्थापक महासचिव पुष्पलाल श्रेष्ठको ४३ औं स्मृति दिवसमा बोल्दै ओलीले नेपाल पक्षलाई सँगै मिलेर पार्टीमा काम गर्न आह्वानसमेत गरेका छन्।
देउवालाई ओली पक्षका ८ र बाँकी नेपाल पक्षका गरी २२ सांसदले विश्वासको मत दिएका थिए। ती सांसदलाई बुधबार केन्द्रीय कमिटी बैठकले २४ घन्टे स्पष्टीकरण सोधेको थियो।
उनले बाटो विराएका नेताहरूलाई आममाफी दिने पनि बताए। ‘भड्किएका साथीहरूलाई जे सुकै भएको होस् आममाफी भयो। आउनुहोस् मिलेर काम गरौं।’
प्रधानमन्त्रीबाट हटेपछि बालुवाटारबाट निस्किएका ओलीले बालकोटस्थित निजी निवासमा पुगेर घरको बार्दलीबाट नेता नेपाललाई गद्दार घोषणा गरेका थिए। त्यसपछि पनि उनले ओलीलाई गद्दार भनिरहेका थिए।
बुधबार उनले नेपाललाई दोस्रो अध्यक्ष दिन्छु भन्दा पनि नमानेको बताएका थिए।