उज्वेकिस्तानको राष्ट्रपति निर्वाचनको पर्यवेक्षणमा एक जना नेपाली सहभागी हुने भएका छन।
उज्वेकिस्तानको केन्द्रीय निर्वाचन आयोगको आमन्त्रणमा पर्यवेक्षकका रुपमा सहभागी हुन नेपाल भारत उद्योग वाणिज्य संघका उपाध्यक्ष सुनिल केसी उज्वेकिस्तान पुगेका हुन।
उनी एसियन इन्स्टिच्युट अफ डिप्लोमेसी एन्ड इन्टरनेसनल अफेयर्सका कार्यकारी प्रमुख समेत हुन ।
अन्तर्राष्ट्रिय कूटनीतिक क्षेत्रमा केसीको बिशेषज्ञता, क्रियाशिलता तथा योगदानको कदर गरी उक्त आमन्त्रण पठाइएको भन्दै नेपाल भारत उद्योग वाणिज्य संघले यसको स्वागत गरेको छ।
केसीले उज्वेकिस्तानमा निर्वाचन पर्यबेक्षणमा सहभागी हुनुका साथै उज्वेकिस्तानमा रहेका उद्योगी ब्यवसायीहरु तथा सरकारी अधिकारीहरुसँग भेट गर्नुका साथै नेपालमा उज्वेकिस्तानी लगानीका बिषयमा पनि छलफल गरिने कार्यक्रम रहको छ ।
नेपाल र उज्वेकिस्तानबीच कूटनीतिक सम्बन्ध सन् २०१८ जनवरीमा भएको हो बार्षिक ८० टन सुन उत्पादन गरी बिश्व सुन बजारमा ७औं स्थानमा रहेको, तामा उत्पादनमा १०औं स्थानमा तथा युरेनियम उत्पादनमा बिश्वको ७औं स्थानमा रहेको उज्वेकिस्तान भूमिगत ग्यासमा पनि अत्यन्त धनी राष्ट्र रहेको छ ।
मध्य एशियाली राष्ट्र गणतान्त्रिक उजबेकिस्तान एक भूपरिबेष्टित राष्ट्र हो जुन पहिला सोभियत संघ अन्तर्गतको एउटा भाग थियो ।
सन् १९९१ मा सोभियत संघ बिघटन् पछि स्वतन्त र सार्वभौम राष्ट्रको रुपमा अस्तित्वमा आएको राष्ट्र हो । स्वतन्त भए पछि निर्वाचन मार्फत राष्ट्रपतिको चयन गरिने ब्यवस्था भए बमोजिम त्यहाँ सन् १०९१को २९ डिसेम्बरमा सम्पन्न निर्वाचनबाट ईस्लाम कारिमोभ उज्बेकिस्तानको पहिलो निर्वाचित राष्ट्रपति चयन भएका थिए।
राष्ट्रपति ईस्लाम कारिमोभको सन् २०१६ को सेप्टेम्बर २ मा निधन भएपछि अन्तरिम राष्ट्रपति बनेका शिभकत मिर्जियोयभ सन् २०१६ को डिसेम्बरमा सम्पन्न राष्ट्रपति निर्वाचनबाट ५ वर्षको लागि दोश्रो निर्वाचित राष्ट्रपति बनेका थिए भने यही अक्टोबर २४, २०२१ का दिन उज्बेकिस्तानमा राष्ट्रपतिय निर्वाचन हुँदैछ ।