एथलेटिक्स महिला ५ हजार मिटर दौडमा बागमती प्रदेशकी सन्तोषी श्रेष्ठले स्वर्ण पदक जितेकी छन्।
्उनले पोखरा रंगशालामा बुधबार बिहान निर्धारित दुरी १७ मिनेट ०५.२९ सेकेन्डमा पूरा गर्दै स्वर्ण पदक जितेकी हुन् ।
पुलिसकी राजपुरा पछाइले १७ मिनेट १२.०५ सेकेन्डमा पूरा गर्दै रजत पदक जितिन्।
आर्मीकी पूर्णलक्ष्मी न्यौपानेले १८ मिनेट ०३ सेकेन्डमा निर्धारित दुरी पूरा गर्दै काँस्य पदक जितिन् । सन्तोषीले १० हजार मिटरमा पनि स्वर्ण जितेकी थिइन्।
दक्षिण एसियाली खेलकुद (साग) की स्वर्ण विजेता सन्तोषीले घाइते खुट्टाले स्वर्ण जितेकी हुन्। उनले दुवै खुट्टाको पैतालामा टेप टाँसेर कुदेकी थिइन्।
