युरोकप-२०२० छनौट अन्तरगत मंगलबार भएको खेलमा आफूविरूद्ध ३४ सेकेण्डमै अग्रता लिएको कोसोभो विरूद्ध इङ्ल्याण्डले ५-३ को रोमाञ्चक जित हासिल गरेको छ।
कोसोभोका मिडफिल्डर वालोन बेरिशले खेल सुरू भएको ३४ सेकेण्डमै गोल गर्दै अग्रता दिलाएका थिए।
तर उनको यो अग्रतालाई इङ्ल्याण्ड रहिम स्ट्रिलिङले ८ औं मिनेटमा बराबरी गरे।
त्यसपछि खेल सुरू भएलगत्तै झट्का खाएको इङ्ल्याण्डका लागि ह्यारी केनले १९ औं मिनेटमा गोल गर्दै टोलीलाई २-१ को अग्रता दिलाए।
तेश्रो गोल भने इङ्ल्याण्डले कोसोभोका मर्जिम भोज्भोडाको आत्मघाती गोलबाट उपहार पायो।
त्यसपछि खेलको ४४ मिनेटमा र पहिलो हाफको अतिरिक्त समयको पहिलो मिनेटमा जेडन सान्चोले इङ्ल्याण्डका लागि लगातार दुई गोल गरे।
यसरी पहिलो हाफमा ५-१ को अग्रता लिएको इङ्ल्याण्डले दोश्रो हाफमा थप गोल गर्न सकेन।
दोश्रो हाफमा कोसोभोले दुई गोल फर्कायो। ४९ मिनेटमा बेरिशले दोश्रो गोल गरे भने ५५ औं मिनेटमा वेडाट मुरिकीको पेनाल्टीबाट गोल गर्दै कोसोभोले खेलमा फर्किने प्रयास गर्यो।
त्यसपछि खेलमा कुनै गोल हुनसकेन र नतिजा इङ्ल्याण्डको पक्षमा गयो।
जितसँगै आफ्नो समूहमा चार खेल खेलको इङ्ल्याण्ड लगातार चार खेल जित्दै १२ अंक जोडेर समूहको शीर्ष स्थानमा छ।
