आरबी लाइपजिगले जर्मन बुन्डेसलिगाको दोस्रो स्थानमा उक्लने मौका गुमाएको छ। बुधबार राति भएको खेलमा बर्लिन हेर्थासँग २-२ गोलको बराबरीमा रोकिएसँगै लाइपजिगले बोरुसिया डर्टमुन्डलाई पछि पारेर दोस्रो स्थानमा उक्लने मौका गुमाएको हो।
खेलमा अग्रता भने बर्लिङले लियो। उसका लगि ग्रुजिकले नवौ मिनेटमा गोल गरे। लाइपजिगका लागि क्लोस्टरम्यानले २४ मिनेटमा बराबरी गोल फर्काए।
६३ मिनेटमा हाल्सटेनवर्ग दोस्रो पहेँलो कार्ड पाउँदै मैदान छाडन् बाध्य भएपछि लाइपजिग १० खेलाडीमा सीमित भए। ६८ मिनेटमा स्चेकले गोल गरेपछि लाइपजिगले २-१ को अग्रता लियो।
तर ८२ मिनेटमा बर्लिनका पिएटेकले पेनाल्टीमा गोल गरेपछि खेल २-२ को अवस्थामा आयो।
लिगको तेस्रो स्थानमा रहेको लाइपजिगको २८ खेलबाट ५५ अंक छ। शीर्ष स्थानको वायर्न म्युनिखको ६४ र दोस्रो स्थानको डर्टुमन्डको ५७ अंक छ।
बर्लिन भने ३५ अंक जोडेर दशौ स्थानमा उक्लिएको छ।
