कतार फुटबल एसोसिएसनले नेपालमा प्रो-लाइसेन्स प्राप्त प्रशिक्षक पठाउने भएको छ।
अखिल नेपाल फुटबल संघ (एन्फा) र कतार फुटबल एसोसिएसनबीच भएको सम्झौता अनुसार प्रो-लाइसेन्स प्रशिक्षक नेपाल आउने भएका हुन्।
एन्फाका अनुसार प्रो-लाइसेन्स प्रशिक्षक तथा एएफसी कोचिङ इस्ट्रक्टर अब्दुल्लाह अलमुटाइरी नेपाल आउन लागेका हुन्।
कुवेतका नागरिक अब्दुल्लाहले अब एन्फाको प्रशिक्षण विभागमा रहेर काम काम गर्नेछ।
यसअघि अब्दुल्लाहले कतारको अल सहनी फुटबल क्लबको यु२३ टिमलाई प्रशिक्षण दिएका थिए।
यस्तै उनी किर्गिस्तानको यु१७ टिमका प्रशिक्षक समेत रहेका थिए।
उनीसँग साउदी अरेबिया र कुवेतका विभिन्न क्लबको प्रशिक्षक भएर काम गरेको अनुभव पनि छ।
