सत्तारूढ नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले उपसभामुखको राजीनामा माग्ने छलफल पार्टीभित्र नभएको बताएका छन्।
पोखरामा पत्रकारहरूसँग बिहीबार प्रचण्डले भने, ‘उपसभामुखको राजीनामा माग्ने कुरा भएको छैन, मिडियामा त के के आउँछ।’
सभामुख कृष्णबहादुर महरालाई बलात्कार प्रयासको अभियोग लागेपछि सभामुख पद रिक्त छ।
उपसभामुख शिवमाया तुम्बाहाम्फेलाई राजीनामा दिन लगाएर नयाँ सभामुख र उपसभामुख चयन प्रक्रिया सुरू गर्ने नेकपाको तयारी रहेको समाचार आएपछि प्रचण्डले यस्तो प्रतिक्रिया दिएका हुन्।
