नेपालको लागि टिभिएस टू–ह्वीलर्सको एक मात्र आधिकारिक वितरक जगदम्बा मोटर्स प्रा.लि.ले रमाइलो दौड आयोजना गरेको छ।
२८ गते शनिबार काठमाडौंमा सम्पन्न उक्त दौडमा प्रथम स्थानमा नेपाल आर्मी का हरि रिमाल, द्वितीय स्थानमा नेपाल आर्मी का दिपक अधिकारी र तृतीय स्थानमा नेपाल आर्मी का गजेन्द्र राई विजयी भएका थिए। बिजेताहरुले क्रमश: रु.५०,०००÷– रु.२५,०००÷– र रु.१५,०००÷– नगद पुरस्कार पाएका थिए।
दौड विहान ८ बजे नक्साल बाल मन्दिरबाट शुरु भई सिटी सेन्टर, कमलादी, पुतलीसडक, भृकुटी मण्डप, भद्रकाली, माइतीघर, थापाथली, त्रिपुरेश्वर, सुन्धारा, दरबारमार्ग, नागपोखरी हुँदै टिभिएस शोरुम नक्सालमा पुगेर सम्पन्न भएको थियो । दौडको प्रारम्भ गर्दैं खेलकुद मन्त्री जगत बहादुर विश्वकर्माले गरेका थिए।