टर्कीमा सोमबार बिहान गएको ७ दशमलब ८ म्याग्निच्युडको शक्तिशाली भूकम्पमा परी ठूलो संख्यामा जनधनको क्षति भएको छ।
भूकम्पका कारण टर्की र सिरियामा गरी मृत्यु हुनेको संख्या ४३ सय नाघेको अन्तर्राष्ट्रिय सञ्चारमाध्यमले जनाएका छन् ।
राज्य-सञ्चालित अनादोलु समाचार एजेन्सीका अनुसार टर्कीमा हालसम्म कम्तिमा २ हजार ९२१ जनाको मृत्यु हुनुका साथै १३ हजार २९३ घाइते भएका छन्। यहाँ ५६०० भन्दा बढी भवनहरू ध्वस्त भएका छन्।
राष्ट्रपति रेसेप तैयप एर्दोगानका अनुसार मृतकको संख्या अझै बढ्न सक्ने भन्दै उनले उद्धार र राहतलाई तिब्रता दिइरहेको बताए।
उक्त भूकम्पका कारण छिमेकी मुलुक सिरियामा पनि ठूलो संख्यामा मानवीय क्षति भएको छ।
सिरियामा उद्धारकर्ताहरूले रातभर काम गर्न हेडलाइट र फ्लड लाइटहरू प्रयोग गरेका थिए। राज्यको स्वास्थ्य मन्त्रालय र ह्वाइट हेल्मेट राहत समूहका अनुसार यहाँ १,४५० भन्दा बढी व्यक्तिको मृत्यु भइसकेको छ। देशभरि हजारौं घाइते भएका छन्।
टर्कीको भूकम्प प्रभावित क्षेत्रमा धेरै सिरियाली युद्ध शरणार्थीहरू पनि छन्। संयुक्त राष्ट्र शरणार्थी एजेन्सीका अनुसार टर्कीले ३.६ मिलियन सिरियाली शरणार्थीलाई राखेको छ। जुन कुनै पनि अन्य देश भन्दा बढी छ।
उद्धारकर्मीहरूले अत्यधिक चिसो र हिउँका बाबजुद भग्नावशेषको थुप्रोमा जीवितहरूको खोजी गरिरहेका छन्। विश्वभरबाट विज्ञ समूह, तालिमप्राप्त कुकुर र विविध उपकरणहरूसहित उद्धारका लागि सहयोग पठाउने क्रम जारी छ।
कतिपयले पीडितहरू पानी परेपछि घर छोडेर बाहिरिएका छन्।
सोमबार बिहान ११ मिनेटको अन्तरालमा आएको दुई शक्तिशाली भूकम्पले दक्षिणी टर्कीका दश वटा प्रान्त नराम्ररी प्रभावित भएका हुन्।
भूकम्प प्रभावित दक्षिणी टर्की र उत्तरी सिरियाको धेरै जसो क्षेत्रमा उद्धार कार्य जारी रहेको समाचार संस्था एपीले जनाएको छ। टर्की र सिरियाका उद्धारकर्मीहरु भत्केका भवनहरुमा फसेका मानिसहरुलाई बाहिर निकाल्न खटिरहेका छन्।
विश्वका शीर्ष नेताहरुले टर्कीलाई सहायता गर्ने वचन दिँदै अन्तर्राष्ट्रिय सहयोगको आह्वान गरेका छन् ।
भूकम्पले ठूलो जनधनको क्षति भएपछि टर्कीले सात दिन राष्ट्रिय शोकको घोषणा गरेको छ। साथै आगामी फेब्रुअरी १२ सम्म राष्ट्रिय झण्डा आधा झुकाउने भएको छ।
अमेरिकी भूगर्भ सर्वेक्षणका अनुसार टर्कीको स्थानीय समयअनुसार बिहान ४ बजेर १७ मिनेटमा गाजीयान्टेप सहर नजिक १७.९ किलोमिटर गहिराइमा ७.८ म्याग्निट्यूडको भूकम्प गएको हो।
भूकम्पविद्हरूले सोमबार गएको पहिलो भूकम्प टर्कीमा अभिलेखीकरण गरिएकोमध्ये अहिलेसम्मकै सबैभन्दा ठूलो भूकम्प भएको बताएका छन्। भूकम्प महसुस गरेका मानिसहरूका अनुसार कम्पन रोकिन करिब दुई मिनेट लागेको थियो।
पहिलो भूकम्पबाट प्रभावित भनिएको दोस्रो भूकम्प ७.५ म्याग्निट्यूडको थियो जसको केन्द्रबिन्दु काहमनमरस प्रान्तको एल्बिस्तान जिल्लामा थियो।
यसको धक्का साइप्रस, इजिप्ट, इजरायल र लेबनानमा पनि महसुस गरिएको थियो।
![](https://static01.nyt.com/images/2023/02/06/world/06turkey-quake-earthquake-diplomacy2/06turkey-quake-earthquake-diplomacy2-jumbo.jpg?quality=75&auto=webp)
![](https://static01.nyt.com/images/2023/02/06/multimedia/06turkey-quake-aftershock-mpfc/06turkey-quake-aftershock-mpfc-superJumbo.jpg?quality=75&auto=webp)
![](https://static01.nyt.com/images/2023/02/06/world/06turkey-quake-castle/06turkey-quake-castle-superJumbo.jpg?quality=75&auto=webp)
![](https://static01.nyt.com/images/2023/02/06/multimedia/06turkey-quake-israel-aid-pcqj/06turkey-quake-israel-aid-pcqj-superJumbo.jpg?quality=75&auto=webp)
![](https://static01.nyt.com/images/2023/02/06/multimedia/06turkey-quake-economy01-bwvp/06turkey-quake-economy01-bwvp-superJumbo.jpg?quality=75&auto=webp)
![](https://static01.nyt.com/images/2023/02/06/world/06quake-Idlib-scene01/06quake-Idlib-scene01-superJumbo.jpg?quality=75&auto=webp)
![](https://static01.nyt.com/images/2023/02/06/multimedia/06turkey-quake-reportersupdate-01-fwbp/06turkey-quake-reportersupdate-01-fwbp-superJumbo.jpg?quality=75&auto=webp)
![](https://static01.nyt.com/images/2023/02/06/multimedia/06turkey-quake-Syria-color01-wpzt/06turkey-quake-Syria-color01-wpzt-superJumbo.jpg?quality=75&auto=webp)
![](https://static01.nyt.com/images/2023/02/06/multimedia/06turkey-quake-strength-explainer-gmwb/06turkey-quake-strength-explainer-gmwb-superJumbo.jpg?quality=75&auto=webp)