दक्षिण अफ्रिकाका स्टार ब्याटसम्यान हाशिम अमलाले अन्तराष्ट्रिय क्रिकेटका सबै प्रारुपबाट संन्यास लिएका छन्।
क्रिकेट साउथ अफ्रिकाले आफ्नो आधिकारिक ट्वीटर ह्याण्डलबाट यसको जानकारी दिएको हो।
ट्वीटमा अमलाले घरेलु तथा मांजी सुपर लिग भने निरन्तर खेल्ने बताइएको छ।
३६ वर्षिय अमलाले दक्षिण अफ्रिकाका लागि १२४ टेस्ट, १८१ वान डे तथा ४४ टि-२० क्रिकेट खेलेका छन्।
ती खेलहरूबाट उनले क्रमशः ९ हजार २ सय ८२, ८ हजार १ सय १३ तथा १ हजार २ सय ७७ रन बनाएका छन्।
टेस्टमा उनले सर्वाधिक ३ सय ११ रन बनाएका छन्।
यसका अलावा वान डेमा उनको सर्वोच्च स्कोर १५९ रहेको छ भने टि-२० मा नटआउट ९७ रन जोडेका छन्।
अमलाले यस वर्ष जनवरीमा श्रीलंकाका लागि अन्तिम टेस्ट खेलेका थिए। सन् २००८ मा बंगलादेशविरूद्ध खेल्दै पहिलोपटक वान डेमा डेब्यू भएका थिए।
