इंग्ल्यान्डका अलराउन्डर बेन स्टोक्स 'वेजडेन लिडिङ क्रिकेटर' बनेका छन्।
भारतीय क्रिकेट टिमका कप्तान विराट कोहलीले विगत तीन संस्करणमा लगातार यो उपाधि जितेका थिए।
इंग्ल्यान्डलाई गत वर्षको क्रिकेट विश्वकपको उपाधि जिताउन तथा एसेस सिरिजमा गरेको उत्कृष्ट प्रदर्शनका आधारमा उनलाई लिडिङ क्रिकेटर घोषणा गरेको वेजडेजका सम्पादक लाउरेन्स बुथले बताएका छन्।
एन्ड्रिउ फ्लिनट सन् २००५ मा सम्मानित भएपछि यो उपाधि पाउने स्टोक्स पहिलो इंग्लिस क्रिकेटर हुन्।
२८ वर्षीय स्टोक्सले गत वर्षको विश्वकपको फाइनलमा न्युजिल्यान्डविरुद्ध र एसेज सिरिज अन्तर्गतको तेस्रो टेस्टमा नटआउट १३५ रन प्रहार गरेका थिए।
यसअघि स्टोक्सले गत जनावरीमा आइसिसी वर्ष क्रिकेट खेलाडीको अवार्ड पाएका थिए।
महिलातर्फ अस्ट्रेलियाकी एली पेरी लिडिङ वुमेन्स क्रिकेटर बनेकी छिन्।
