सरकारले स्पाइनल कर्ड इन्जुरीका बिरामीलाई मासिक ५ हजार भत्ता दिने निर्णय गरेको छ।
ह्विलचियर प्रयोग गर्ने स्पाइनल कर्ड इन्जुरीका बिरामीलाई मासिक भत्ता दिने निर्णय भएको हो। आज बालुवाटारमा बसेको मन्त्रिपरिषद बैठकले उक्त निर्णय गरेको गृहमन्त्री बालकृष्ण खाणको सचिवालयले जनाएको छ।
स्पाइनल कर्ड इञ्जुरी भएकाहरूले दुई साता अघि सिंहदरबारमा पुगेर गृहमन्त्री खाणलाई भेटेर भत्ताको व्यवस्था मिलाउन पहल गरिदिन आग्रह गरेका थिए।
सरकारले भत्ता दिने निर्णय गर्नु सकरात्मक भएको स्पाइनल कर्ड इन्जुरीको समस्या भोगिरहेका केशव थापाले बताए। सरकारले क्यान्सर, मिर्गौला रोग लगायतका गम्भीर प्रकृतिका बिरामीलाई पनि मासिक पाँच हजार भत्ता दिने निर्णय गरेको छ।
अर्थमन्त्री जनार्दन शर्माले आज संसदमा प्रतिस्थापन विधेयकमार्फत् पनि यो घोषणा गरिसकेका छन्।