राष्ट्रिय सभाको आइतबारको बैठकमा नेपाल कम्युनिष्ट पार्टीका सांसद बलराम बास्कोटाले अन्तर्राष्ट्रिय विमास्थालामा प्रहरी माथि गरेको दुर्व्यवहारमा पारस शाहलाई किन कारबाही नगरेको भन्दै सरकार सँग प्रश्न गरेका छन्।
देशमा अवान्छित गतिविधिहरु बढेको भन्दै उनले आपत्ति जनाए। ‘विभिन्न बहानामा कानून हातमा लिने र सरकार तथा संविधानको बर्खिलाप हुनेगरी गतिबिधि बढ्दा सरकार के गरेर बसेको छ’ भनेर उनले प्रश्न गरे।
रवि लामिछाने प्रकरणमा विभिन्न सामाजिक संजालमा अवान्छित गतिबिधि हुँदा प्रशासनलाई कानुन कार्यान्वयन गर्न के कारणले रोक्यो भनेर आक्रोश पनि ब्यक्त गरे। काठमाडौँ चितवन लगायतका क्षेत्रमा बढेको अवान्छित गतिबिधि रोक्न सरकारले गरिरहेको काम बारे सदनमा जानकारी गराउन उनले माग गरे।
त्यस्तै नेपाली कांग्रेसका सांसद रमेशजंग रायमाझीले मुलुकमा लोकतान्त्रिक गणतन्त्र संस्थागत गर्न सबै दलहरु मिलेर काम गर्नुपर्ने बेला नेकपाभित्र दुई शिर्ष नेताहरु बीच भएको सम्बाद र तिक्तताले सबै राजनैतिक दलका कार्यकर्ताको शीर निहुरिएको बताए।
यस किसिमको ब्यबहार र सम्बादको शैलीले राजनैतिक संस्कृति नै बदनाम हुने भन्दै उनले चिन्ता ब्यक्त गरे। समान उद्देश्य भएका दलहरुको कार्यगत एकता हुनुपर्ने त्यो नभए मुद्दा केन्द्रित एकता हुनुपर्नेमा जोड दिँदै उनले दल भित्रको किचलोले सम्बृद्धितर्फ बढ्न बाधा पुग्ने बताए।
