नेपाली कांग्रेसका पूर्वमहामन्त्री प्रकाशमान सिंहले नागरिक हितविपरीत हुने गरी सरकारले विधेयकहरू ल्याएकोले जनता जाग्नुपर्ने बताएका छन्।
शनिबार काठमाडौंमा नेपाल प्रेय युनियनको कार्यक्रममा सिंहले सरकारले ल्याएका विधेयकहरू नागरिक स्वतन्त्रता विरोधी रहेको टिप्पणी गरे।
‘सरकारको अलोकतान्त्रिक कदमविरूद्ध जनता जाग्नुपर्छ,’ सिंहले भने। सरकारले प्रेसमाथि पनि अंकुश लगाउने प्रयास गरिरहेको पनि उनले बताए।
‘सरकारले प्रजातान्त्रिक अधिकार साँघुरो बनाउँदै लगेको छ। लोकतन्त्रमाथि नै प्रहार गर्न खोजेको देखिन्छ,’ उनले भने, ‘यस्तो बेला प्रेस चनाखो हुनुपर्छ।’
नागरिकलाई अंकुश लगाउन खोज्नु नै अधिनायकवादी शैली भएको उनले बताए।