नेपाली कांग्रेसका सांसद बद्री पाण्डेले बाजुरा केन्द्र भई मंगलबार दिउँसो गएको भूकम्पबाट पुगेको क्षतिबारे संसदलाई जानकारी गराउन माग गरेका छन्।
प्रतिनिधि सभा बैठक चलिरहेका बेला सभामुखसँग समय लिएर बोलेका सांसद पाण्डेले बाजुरा भूकम्प र यसबाट पुगेका क्षतिबारे संसदलाई सरकारले जानकारी गराउनुपर्ने माग राखेका हुन्।
‘आज दिउँसो करिब पौने ३ बजे बाजुराको मेला भन्ने ठाउँ केन्द्र बनाएर ५.९ रेक्टर स्केलको भूकम्प गएको छ। क्षतिको विवरण आउने क्रममा छ,’ उनले भने, ‘सरकारले यस विषयमा जानकारी लिएर संसदलाई क्षतिको विवरण जानकारी गराओस्। त्यसका लागि सभामुखको रूलिङको अपेक्षा गर्दछु।’
-1746009348.jpg)
