मकवानपुरका एक युवाले बञ्चरो प्रहार गरी आफ्नै हजुरआमाको हत्या गरेका छन्।
९० वर्षीया हजुरआमा कान्छीमाया गुरुङको बन्चरो प्रहार गरी हत्या गरेको अभियोगमा हेटौंडा उपमहानगरपालिका-१७ दियालो दमार बस्ने २२ वर्षीय आकाश गुरुङलाई शुक्रबार बेलुकी प्रहरीले पक्राउ गरेको हो।
सामान्य विवादका क्रममा आकाशले हजुरआमालाई बन्चरो प्रहार गर्दा उनी गम्भीर घाइते भएकी थिइन्। उनको जिल्ल अस्पताल हेटौडामा मृत्यु भएको थियो।
इलाका प्रहरी कार्यालय पशुपतिनगर र अस्थायी प्रहरी पोष्ट हटियाबाट खटिएको प्रहरीले आकाशलाई पक्राउ गरेको मकवानपुर प्रहरीले जनाएको छ।
