पहिरामा परी बिहीबार रातिदेखि बेपत्ता तीन शव फेला परेको छ।
नवलपरासी (बर्दघाट सुस्तापूर्व) नवलपुरको हुप्सेकोट गाउँपालिका–४ को माथिल्लो चार घरेमा अविरल वर्षाका कारण शुक्रबार बिहान २ बजेको समयमा पहिरामा परी बेपत्ता तीनै जनाको शव शनिबार दिउँसो फेला परेको जिल्ला प्रहरी कार्यालय नवलपरासीपूर्व नवलपुरका सूचना अधिकारी मधुसुदन सिंहले बताए।
शुक्रबार दिनभरि सुरक्षाकर्मीसहित स्थानीयबासीले खोजी गर्दा समेत पहिरामा परेका फेला नपरेपछि आज ५० जना थप सुरक्षाकर्मी परिचालन गरिएको थियो। पहिरामा पुरिएका एकै घरका तीन जना बेपत्ता भएका थिए।
हुप्सेकोट–४ माथिल्लो चारघरेका हस्तबहादुर पुलामीकी ४० वर्षीया श्रीमती धनमाया पुलामी, सात वर्षीया नातिनी भूमिसरा पुलामी र छ वर्षीया देउमाया पुलामी राति सुतिरहेको समयमा एक्कासि आएको पहिरामा परी बेपत्ता भएका थिए। हस्तबहादुर पुलामीको भने घाइते अवस्थामा उद्धार गरिएको थियो। रासस
-1758107792.jpg)
-1746513231.jpg)
-1746009348.jpg)
