क्यारेबियन प्रिमियर लिग (सिपिएल) मा नेपाली युवा स्पिनर सन्दीप लामिछाने आबद्ध बार्बाडोस ट्रिडेन्डले दोस्रो जित हात पारेको छ।
शनिबार विहान सकिएको खेलमा बार्बाडोसले सेन्ट लुसिया जुक्सलाई ७१ रनले पराजित गरेको हो।
पहिले ब्याटिङ गरेको बार्बाडोसले ६ विकेटको क्षतिमा १७२ रन जोड्यो। उसका लागि जेपी ग्रेएभ्सले ५७ रन जोडे। बलिङमा सेन्ट लुसियाका केस्रीक विलियम्सले ३ विकेट लिए भने ओबेड म्याकोएले २ विकेट हात पार्यो।
१७३ रनको लक्ष्य पछ्याएको लुसिया १४.५ ओभरमा १०१ रनमै अलआउट भयो। उसका लागि कोलिन डे ग्रान्डहोमसले रनआउट हुनुअघि २८ रन जोडे।
बलिङमा बार्बाडोसका जाउसा बिसोप र जासन होल्डरले २-२ विकेट लिए। सन्दीपले १ विकेट लिए। उनले ३.५ ओभरमा २९ रन खर्चिए। उनले हार्डस भिल्जोइनलाई ३१ रनमा बोल्ड गरेपछि लुसिया अलआउट भएको थियो।
जितसँगै ४ खेलबाट ४ अंक जोडेको बार्बाडोस चौथो स्थानमा उक्लिउको छ। शीर्षमा स्थानको गुयानाको ५ खेलबाट १० अंक छ।
