नेपालले औपचारिक रुपमा अन्तर्राष्ट्रिय क्रिकेट खेल्न थालेको २४ वर्ष भइसकेको छ। यो बीचमा नेपाली टिमले डिभिजन ५ हुँदै एकदिवसीय टिमको मान्यता पाएको छ।
अन्तर्राष्ट्रिय क्रिकेट खेल्न थालेको दुई शतक नाघ्दा नेपाली खेलाडीले अहिलेसम्म १३ वटा अन्तर्राष्ट्रिय शतक प्रहार गरेका छन्।
नेपालका लागि सर्वाधिक शतक प्रहार गर्ने कीर्तिमान पूर्व कप्तान पारस खड्काको नाममा छ। पारसले नेपालका लागि पाँच शतक प्रहार गरिसकेका छन्। अलराउन्डर पारसको नाममा नेपालका लागि पहिलो एकदिवसीय र पहिलो टी-२० शतक हान्ने कीर्तिमान छ।
नेपालका लागि एकै इनिङमा सर्वाधिक रन प्रहार गर्ने कीर्तिमान पनि पारस खड्का र सुवास खकुरेलको नाममा छ। दुवैले एकै इनिङमा ११५ रन बनाएका थिए।
कप्तान ज्ञानेन्द्र मल्ल र अनिल मण्डलले नेपालका लागि दुई दुई शतक हानेका छन्। बाँकी चार शतक चार फरक खेलाडीले हानेका छन्।
नेपालका लागि पहिलो शतक प्रहार गर्ने कीर्तिमान पूर्व कप्तान राजु खड्काको नाममा छ। खड्काले सन् २००३ मा नेपालका लागि पहिलो शतक प्रहार गर्ने कीर्तिमान बनाएका थिए। यस्तै शक्ति गौचन, शरद भेषावकर र सुवास खकुरेलले पनि नेपालका लागि अन्तर्राष्ट्रिय शतक प्रहार गरेका छन्।
नेपालका अन्तर्राष्ट्रिय शतक
राजु खड्का (१०५* रन) भुटानविरुद्ध - एसिसी इमर्जिङ नेसन्स प्रतियोगिता (२००३)
शक्ति गौचन (१०६* रन) इटालीविरुद्ध - आइसिसी विश्वकप छनोट सिरिज (२००५)
शरद भेषावकर (१०५ रन) फिजिविरुद्ध – आइसिसी विश्व क्रिकेट लिग डिभिजन ५ (२०१०)
सुवास खकुरेल (११५ रन) अमेरिकाविरुद्ध - आइसिसी विश्व क्रिकेट लिग डिभिजन ४ (२०१२)
अनिल मण्डल (११३ रन) डेनमार्कविरुद्ध - आइसिसी विश्व क्रिकेट लिग डिभिजन ४ (२०१२)
पारस खड्का (१०६* रन) कुवेतविरुद्ध – एसिसी ट्रफी एलाइट (२०१२)
ज्ञानेन्द्र मल्ल (११४ रन) सिंगापुरविरुद्ध – आइसिसी विश्व क्रिकेट लिग डिभिजन ३ (२०१४)
अनिल मण्डल (१०० रन) स्कटल्याण्डविरुद्ध – आइसिसी विश्व क्रिकेट लिग च्याम्पियनसिप (२०१५)
पारस खड्का (१०३ रन) नामिबियाविरुद्ध –आइसिसी विश्व क्रिकेट लिग च्याम्पियनसिप (२०१६)
पारस खड्का (११२* रन) यूएईविरुद्ध – आइसिसी विश्व क्रिकेट लिग डिभिजन टू (२०१८)
पारस खड्का (११५ रन) यूएईविरुद्ध – नेपाल र युएईबीचको एकदिवसीय सिरिज (२०१९)
पारस खड्का (१०६* रन) सिंगापुरविरुद्ध – सिंगापुर ट्राई नेशन टी-२० सिरिज (२०१९)
ज्ञानेन्द्र मल्ल (१०७ रन) भुटानविरुद्ध - १३औं दक्षिण एसियाली खेलकुद (२०१९)