भारतविरुद्धको तीन खेलको एकदिवसीय सिरिज घरेलु टिम अस्ट्रेलियाले एक खेल अगावै जितेको छ।
आइतबार सिड्नीमा भएको खेलमा अस्ट्रेलियाले भारतमाथि ५१ रनको जित निकाल्दै सिरिजमा २–० अग्रता बनायो तथा एक खेल अगावै सिरिज आफ्नो कब्जामा पार्यो। यसअघि पहिलो खेलमा अस्ट्रेलिया ६६ रनले विजयी भएको थियो।
आइतबार अस्ट्रेलियाले दिएको ३८० रनको विशाल लक्ष्य पछ्याएको भारतले ९ विकेटको क्षतिमा ३३८ रन जोड्यो।
भारतका लागि कप्तान विराट कोहलीले ८९ रन र केएल राहुलले ७६ रनको योगदान दिए।
बलिङमा अस्ट्रेलियका पाट कमिङ्ग्सले ३ विकेट लिए। जोश हजलउड र एडम जाम्पाको नाममा २–२ विकेट रह्यो।
त्यसअघि पहिले ब्याटिङ गरेको अस्ट्रेलियाले स्टिभ स्मिथको शतकमा ४ विकेटको क्षतिमा ३८९ रन जोड्यो।
स्थिमले ६४ बलमा १४ चौका र २ छक्का प्रहार गर्दै १०४ रन जोडे। अघिल्लो खेलमा पनि शतक हानेका उनले १०५ रन जोडेका थिए।
ग्लेन म्याक्सवेलले नटआउट ६३ रन जोडे।आक्रामक ब्याटिङ गरेका म्याक्सवेलले २९ बलमा ४ चौका र ४ छक्का हिर्काए।
मार्नस लाबुसेनले नटआउट ७० रन जोडे। उनले ६१ बलमा ५ चौका प्रहार गरे। त्यसअघि डेभिड वार्नरले ७७ बलमा ८३ रन र कप्तान आरोन फिञ्चले ६० रन जोडे।
बलिङमा भारतका मोहमद सामी, जसप्रित बुमराह र हार्दिक पाण्ड्याले १-१ विकेट लिए।
भारतीय टिम तीन खेलको एकदिवसीय सिरिज, तीन खेलको टी–२० सिरिज र दुई खेलको टेस्ट सिरिज खेल्न अस्ट्रेलिया भ्रमणमा छ।
-1746009348.jpg)
