‘पोइ पर्यो काले’ को पोस्टर सार्वजनिक भएको छ ।
शिशिर राणा निर्देशित सिनेमा कात्तिक ८ गते रिलिज हुँदैछ।
सार्वजनिक पोस्टरमा मुख्य कलाकार सौगात मल्ल, पूजा शर्मा, आकाश श्रेष्ठ, सृष्टि श्रेष्ठ र सोहित मानन्धरलाई स्थान दिइएको छ ।
सिनेमाको मुल कथा अभिनेता सौगातको वरिपरि घुमेको छ । सिनेमामा सौगातको जोडी पूजा हुन् वा सृष्टि भन्ने रहस्य निर्माण टिमले अहिलेसम्म खुलाएको छैन ।
निर्देशक राणा सौगातको जोडीको खुलासा सिनेमा हेरेपछि थाहा हुने बताए। किरण नेपाली प्रस्तुतकर्ता रहेको सिनेमामा राजिव गुरुङ र सरोज नेपालीको लगानी छ ।
निर्देशक राणाको कथा लेखन रहेको सिनेमामा अर्जुन पोखरेल र लाल बहादुर खातीको संगीत, कमल राई र सामजी लामिछानेको कोरियोग्राफी, तारा थापा किम्भेको सम्पादन रहेको छ ।
अभिनेता सौगात सिनेमालाई कमेडी कथामा निर्माण गरिएको बताउँछन् ।
