लेखक नारायण वाग्लेको उपन्यासमा आधारित नाटक ‘पल्पसा क्याफे’ आजदेखि मञ्चन हुँदैछ। विमल सुवेदीको निर्देशनमा बनेको नाटक शुक्रबारदेखि मन्डला थिएटरमा मञ्चन भएको हो।
लेखक वाग्लेको मदन पुरस्कार प्राप्त पुस्तक ‘पल्पसा क्याफे’ को नाट्य रूपान्तरण भने लेखक सुरज सुवेदीले गरेका छन्।
तत्कालीन माओवादी द्वन्द्वको सेरोफेरोमा कथा घुमेको छ।
गत वर्ष नै प्रदर्शन गर्ने भनिएको नाटक ‘पल्पसा क्याफे’ कोरोना महामारीका कारण प्रदर्शनमा आउन सकेको थिएन।
अभिनेत्री स्वस्तिमा खड्काले अभिनय गर्नेगरी तयारी भएको नाटक महामारीका कारण स्थगित भएको थियो।
नाटकमा स्वस्तिमाको ठाउँमा अभिनेत्री सृष्टि श्रेष्ठले अभिनय गर्दैछिन्।
दीलिप रानाभाटले सह-निर्देशन रहेको नाटकमा सृष्टिसँगै दिपेश राई, विमल सुवेदी, संगीता थापा, पूर्णिमा आचार्य, बच्चु हिमांशु, सरगम राई, चक्र पुलामीलगायतका कलाकारको अभिनय रहेको छ।
तस्बिरहरू: 
1650605271.jpg)
