पोर्कमा भिटामिन तथा मिनरल बी¬१६ र बी¬१२ लगायतका पौष्टिक तत्व हुनेहुँदा यसको सेवनले शरीरलाई प्रशस्त मात्रामा प्रोटीनको प्राप्त हुन्छ ।साथै यसमा ‘फ्याट’ र ‘क्यालेरीज’ उच्च मात्रामा रहेको हुन्छ।स्वस्थ मासु खाएमा शरीरमा स्फुर्ती आउँछ। तर सहि तरिकाले मासु पकाउन, खान तथा स्टोर गर्न नजान्दा समेत पाकेको मासुले हाम्रो शरीरलाई असर गर्छ। त्यसैले मासु किन्दा, पकाउँदा र खादाँ सावधानी अप्नाउुपर्नेमा चिकित्सकहरु जोड दिने गर्छन्।
यदि तपाई पोर्कको पारखी हुनुहुन्छ र कुनै नयाँ परिकार बनाएर आफू र परिवारलाई खुवाउन चाहानुहुन्छ भने तँपाईलाई आज हामी बिलकुलै नयाँ परिकार बनाउन सिकाउँदै छौँ।हामीले तँपाईलाई बनाउन सिकाउन लागेको परिकार हो ‘पोर्क सक्लिङ’ ।‘पोर्क सक्लिङ’ एउटा पुरै बँगुर वा सुँगुरको आवश्यक्ता पर्छ।आज हामी एक जना सेफको सहयोग मार्फत तँपाईलाई ‘पोर्क सक्लिङ’ बनाउन सिकाउने प्रयास गर्दैछौँ।
आवश्यक सामग्रीसिङ्गो पोर्क सक्लिङ् (२० पाउण्ड हाराहारी)लसुन २० पोटीताजा अदुवा ६ इन्चको १ पिसलाई आधा इन्चको टुक्रा पारेकोकोसर साल्ट (नुन) स्वाद अनुसारपिसेको कालो मरिच स्वाद अनुसार
पकाउने विधिः१. पोर्कको काँधको सबैभन्दा भित्री भाग सम्म ‘इन्स्ट्यान्ट रिड थर्मामिटर’ गाड्ने।
२. त्यसपछि सबै सामग्री र उपकरण तयार पार्ने।
३. ओभनलाई ३०० डिग्री फरेनहाइटमा प्रिहिट गर्ने।
४. पोर्कलाई भित्र¬बाहिर दुवैतिर प्रशस्त नुन र मरिचले सिजन गर्ने।
५. भित्री खोक्रो भागलाई लसुन र अदुवाले भर्ने।
६. यदि अटाएमा पोर्कलाई ‘रोस्टिङ प्यान’ अथवा ‘सिङ्गल रिम्ड् बेकिङ सिट’ मा तल्लो भागलाई माथि फर्काएर राख्ने। तर यदि पोर्क ठूलो छ भने दुई वटा ‘रिम्ड बेकिङ सिट’ खप्ट्याएर ‘फोइल’ ओछ्याई पोर्कलाई बीचमा राखेर ओभनमा हाल्ने।
७. पोर्कको काँधको सबैभन्दा भित्री भाग सम्म गाडेको ‘इन्स्ट्यान्ट रिड थर्मामिटर’ ले १६० डिग्री फरेनहाइट नदेखाउञ्जेल करिब ४ घण्टासम्म रोस्ट गरिराख्ने।
८. त्यसपछि ओभनको तापक्रमलाई ५०० डिग्री फरेनहाइट पुर्याएर पोर्कको छाला ‘क्रिस्पी’ नहुञ्जेल करिब आधा घण्टा पकाउने।
९. पोर्कलाई ओभनबाट हटाएर ‘फोइल’ ले ढाकेर आधा घण्टा छोडिदिने।१०. त्यसपश्चात उक्त पोर्कको छाला काढेर साना पिसमा काटेर प्लेटमा राखी खान सकिन्छ।
यो परिकार पकाउने विधि दुई दशकदेखि क्रियाशिल वरिष्ठ सेफ कुमार चालिसेको सहायताले तयार पारिएको हो। उनी अष्ट्रेलियाको ‘टेफ एनएसडब्लु’ नामक संस्थाद्धारा ‘ट्रेनिङ एण्ड एसेसमेन्ट’ का लागि ‘सर्टिफाइड’ सेफ हुन्।हाल उनी बाजेको सेकुवामा कर्पोरेट सेफ तथा काठमाडौँको ‘गेट कलेज’ मा सेफ तथा निरिक्षकका रुपमा कार्यरत छन्।त्यस्तै उनले पाकशास्त्रमा आधारित तीन पुस्तक लेखेका छन् भने नेपाली खानाका परिकारहरुको इतिहास सम्बन्धी पुस्तक प्रकाशनको क्रममा रहेको छ।यस बाहेक उनले डेढ दर्जनभन्दा बढि देशहरुमा नेपाली खानाका विभिन्न परिकारहरुको प्रवद्धन गर्ने कार्यक्रमहरु समेत आयोजना गरेका छन्।
