नेपाली कांग्रेसको १४ औं महाधिवेशमा सभापति उम्मेदवार रहेका विमलेन्द्र निधिले दोस्रो चरणको मतदानका लागि अर्का उम्मेदवार शेरबहादुर देउवालाई भोट दिन आग्रह गरेका छन्।
मंगलबार दिउँसो विज्ञप्ति जारी गर्दै निधिले देउवाले टेलिफोन गरेर र आफ्नै निवासमा आएर सहयोगका लागि आग्रह गरेको बताएका छन्।
देउवाको आग्रहलाई स्वीकार गर्दै आफूले उनलाई समर्थन गर्ने निर्णय गरेको निधिले उल्लेख गरेका छन्।
उनले आफूलाई साथ दिने र मतदान गर्ने महाधिवेशन प्रतिनिधिहरूलाई दोस्रो चरणमा देउवालाई मतदान गर्न आग्रह गरेका हुन्।
पहिलो चरणको चुनावमा निधि चौथो भएका थिए। उनले २४९ मत पाएका थिए।
पहिलो चरणमा जित्न देउवालाई ८३ मत पुगेको थिएन। दोस्रो चरणमा देउवा र शेखर कोइरालाबीच प्रतिष्पर्धा हुँदैछ।
यो पनि पढ्नुस्:
