नेपाली कांग्रेसको १४ औं महाधिवेशनअन्तर्गत उपसभापतिसहित पदाधिकारी र केन्द्रीय सदस्यको मतगणनाबारे निर्णय गर्न कांग्रेस केन्द्रीय निर्वाचन समितिको बैठक बस्दैछ।
समिति सदस्य जगन्नाथ श्रेष्ठका अनुसार दिउँसो साढे १ बजे बस्ने बैठकले कहिलेदेखि मतगणना गर्ने भन्ने निर्णय गर्ने छ।
कांग्रेसमा सभापतिका लागि दोस्रो चरणको मतदान भएको थियो। बुधबार बिहान सकिएको मतगणनाअनुसार सभापतिमा शेरबहादुर देउवा फेरि निर्वाचित भएका छन्।
उपसभापति, महामन्त्री, सहमहामन्त्रीसहित केन्द्रीय सदस्यको मतगणना पार्टी कार्यालय सानेपामा हुनेछ।
सोमबार भएको मतदानपछि मत राखिएका ट्यांकी सानेपामा राखिएको छ।
कांग्रेस निर्वाचन समितिले बढीमा १० दिनसम्म अन्तिम परिणाम सार्वजनिक गर्ने बताएको छ।
