पाँच वर्षपछि बल्ल एभरेष्ट इन्स्योरेन्सको साधारणसभा बसेको छ। कम्पनीको यो १८, १९, २०, २१ र २२ औं सभा हो।
चुक्ता पुँजी बढाउनैपर्ने वाध्यता भएपछि एभरेष्ट इन्स्योरेन्सले २० प्रतिशत बोनस र ६ गुणा हकप्रद जारी गर्ने निर्णयलाई पारित गर्न साधारणसभा बोलाएको थियो। सभाले सो निर्णयलाई पारित गरेको छ।
गत आवको नाफाबाट २० प्रतिशत बोनस दिई त्यसमै एक बराबर ६ को अनुपातमा हकप्रद जारी गर्ने निर्णय पारित भएको हो। बिमा समितिको निर्देशनअनुरुप २०७५ असारसम्म जीवन बिमा कम्पनीले २ अर्ब र निर्जीवन कम्पनीले १ अर्ब चुक्ता पुँजी पुर्याउनुपर्ने वाध्यता छ।
साथै सभामा प्रमुख कार्यकारी अधिकृत कमल गौतम नियूक्त भएको जानकारी दिइयो।
सभामा संचालक समिति अध्यक्ष राजीव सापकोटाले आफूहरुको सेवालाई अझै उत्कृष्ट बनाउँदै पहुँचबाहिरकालाई बिमा क्षेत्रमा ल्याइने प्रतिबद्धता व्यक्त गरे।