पाँच दर्जन समकालीन नेपाली कविहरूको अंग्रेजी अनुवाद गरिएको कविताको पुस्तक ‘संगम’ प्रकाशन भएको छ।
‘संगम’मा अनुवादक एवं कवि हरिश अधिकारीद्वारा अनुवाद गरिएका चौसठ्ठी जना नेपाली कविहरूको कविता समावेश गरिएको छ।
अधिकारीका अनुसार यस काव्यिक संगालोमा अग्रज कविहरू क्षेत्रप्रताप अधिकारी, मञ्जुल तथा श्यामलदेखि लिएर युवापुस्ताका कविहरू निर्भीकजंग रायमाझी, नवीन प्यासीसम्मका अनूदित कविता समेटिएको छ। यस्तै पुस्तकमा कविको परिचय तथा एकएक वटा नेपाली र उक्त नेपाली कविताको अंग्रेजी अनुवाद क्रमश: राखिएको पनि उनले बताए।
‘संगम’ शब्दयात्रा प्रकाशन काभ्रेपलाञ्चोकले प्रकाशन गरेको हो।
