फिफा विश्वकप इतिहासमा सबैभन्दा कान्छा खेलाडीले गोल गरेका छन्।
समूह चरणको आफ्नो दोस्रो खेलमा फ्रान्सका लागि पेरूविरुद्ध केलीयन एमबाप्पेले गरेको गोल विश्वकपको इतिहासमा सबैभन्दा कान्छा खेलाडीले गरेको गोल हो। उनले १९ वर्ष १८३ दिनको उमेरमा गोल गरेका हुन्।
यसअघि फ्रान्सले सन् १९९८ मा घरमै भएको विश्वकप जित्दा उनी जन्मिएका हुन्।
उनकै गोलमा फ्रान्सले खेलमा १-० को अग्रता बनाएको छ।
एकाटेरीङवर्ग एरिनामा फ्रान्सलाई अग्रता दिलाउन एमबाप्पेले खेलको ३४ औं मिनेटमा गोल गरेका हुन्।
यसअघि पहिलो खेलमा फ्रान्सले अष्ट्रेलियालाई हराएको थियो। आज पेरूलाई हराए फ्रान्स नकआउट चरणमा पुग्नेछ। हार र बराबरीले फ्रान्सलाई अर्को खेलको नतिजा कुर्नुपर्ने हुन्छ ।
यता, पेरूलाई जित बाहेक अन्य बिकल्प छैन। पेरुलाई दोस्रो चरण यात्रा गर्न फ्रान्सलाई हराउनैपर्नेछ । डेनमार्कसँगको १ – ० को हारले पेरुलाई गाह्रो बनाएको छ। फ्रान्ससँग पराजित भएमा पेरू अन्तिम खेल नखेल्दै प्रतियोगिताबाट बाहिरिनेछ।