विश्वकप फुटवलमा समूह 'जी'मा रहेका बेल्जियम र ट्युनिसियाको बीच जारी खेलको पहिलो हाफ ३-१ को नतिजामा सकिएको छ।
खेलको ११ औं मिनेटमा पेनाल्टीबाट बेल्जियमले गोलको खाता खोलेको थियो। बेल्जियमका लागि इडन हजार्डले गोल गरेका हुन् । यसैगरी खेलको १६ औं मिनेटमा लुकाकुले बेल्जियमको अग्रता दोब्बर पारे।
२-० ले पछि परेको ट्यूनिशियाले खेलको १८ औं मिनेटमा अग्रता घटायो । १८ औं मिनेटमा डिलान ब्रोनले ट्युनिसियाका लागि गोल गरेका थिए।
२-१ को नतिजापछि दुबै टिमले एकअर्को पोस्टमा निरन्तर आक्रमण बनाएका थिए तर खेलको अतिरिक्त समयको तेश्रो मिनेटमा बेल्जियमले टोलीका लागि तेश्रो गोल गर्दै आफ्नो अग्रतालाई दुई गोलले बढाएको छ। सो गोल लुकाकुले गरेका हुन्।
दुई टोलीबीचको दोश्रो हाफ पनि पहिलो हाफ जस्तै रोमाञ्चक हुने अनुमान गरिएको छ।
पहिलो खेलमा पानामालाई ३–० ले पराजित गरेको बेल्जियम आजको खेलमा विजयी भएमा नकआउट चरण प्रवेश गर्नेछ भने ट्युनिसिया घर फर्किनेछ ।
