रसियामा अहिले जारी दक्षिण कोरिया र मेक्सिकोबीचको फुटबलमा मेक्सिकोले कोरियामाथि १ गोलको बढोत्तरी लिएको छ।
पहिलो हाफमा मेक्सिकोले पेनाल्टीबाट दक्षिण कोरयामाथि गोल गरेको हो। मेक्सिको लागि ११ नम्बर जर्सीका कार्लोसले खेलको २६ औं मिनेटमा गोल गरेका थिए ।
कोरियाका जाङ ह्यूनसोले पेनाल्टी क्षेत्रमा बल हातले छेकेपछि मेक्सिकोले पेनाल्टीको अवसर पाएको थियो।
दक्षिण कोरियासँग समञह चरणको दोश्रो खेल खेलिरहेको मेक्सिकोले समूह चरणको पहिलो खेलमा डिफेन्डिङ च्याम्पियन जर्मनीलाई १-० ले पराजीत गरेको थियो।
आजको खेलमा कोरियालाई पराजीत गरेका मेक्सिको लागि नकआउट चरण प्रवेश सहज हुनेछ
पछिल्ला छ वटा विश्वकपमा मेक्सिको अन्तिम १६ भन्दा अगाडि जान सकेको छैन।
मेक्सिकोको लागि कोरिया तुलनात्मक रुपमा कमजोर टिम हो । पहिलो खेल सवीडेनसँग हारेकाले कोरियाका लागि समूह चरणको दोश्रो खेल जित्नैपर्ने दबाब छ।
यस समूहमा मेक्सिको र स्वीडेनको समान ३-३ अंक रहेको छ भने जर्मनी र कोरिया अंकविहिन छन्। यदि आज खेल हारेमा कोरियाको लागि २१ औं संस्करणको विश्वकप समूह चरणमा नै सिमित हुने पक्का छ।