सरकारले घोषणा गरेको कोरोना कोषमा प्रमुख प्रतिपक्षी नेपाली कांग्रेसका सांसदहरूले १५ दिनको पारिश्रमिक दिने भएका छन्।
कांग्रेस संसदीय दलका प्रमुख सचेतक बालकृष्ण खाँणले मंगलबार विज्ञप्ति निकालेर कोरोनाभाइरस रोकथाम, नियन्त्रण र उपचार कोषलाई सहयोग गर्न पारिश्रमिक उपलब्ध गराउने निर्णय भएको उल्लेख गरेका छन्।
‘संघीय संसदमा प्रतिनिधित्व गर्ने पार्टीका सांसदले १५ दिन बराबरको रकम कोषमा उपलब्ध गराउने’ खाँणले निकालेको विज्ञप्तिमा भनिएको छ।
संघीय संसदमा कांग्रेसका ६३ सांसद छन्।
त्यस्तै, खाँणले दैनिक जीवनयापनमा समस्या हुने भएकोले श्रमिकलाई खाद्यान्न उपलब्ध गराउन सरकारसँग माग गरेका छन्।