कोरोनाविरूद्धको लडाइँ लड्नको लागि जापानी प्रधानमन्त्री सिन्जो आबेले एक महिनाका लागि आफ्ना सात प्रान्तमा संकटकालको घोषणा गरेका छन्।
मंगलबार उनले टोकियो, कानागावा, चिवा, ओसाका, ह्योगो र फुकुओकामा संकटकालको घोषणा गरेका हुन्।
उनले संकटकालको घोषणा गरे पनि लकडाउन भने नगर्ने बताएका छन्।
'हामीले संकटकालको घोषणा गरे पनि ती सहरहरूमा लकडाउन गर्दैनौं र मलाई लाग्दैन कि त्यो आवश्यक छ', आबेले भने , 'हामी सकेसम्म आर्थिक गतिविधि कायम राख्नुका साथै भाइरसको फैलावट रोक्ने प्रयासलाई अगाडि बढाउनेछौं।'
साथै प्रधानमन्त्री आबेले देशको अर्थतन्त्र उकास्नका लागि १०८ ट्रिलियन येनको प्याकेज स्वीकृत गरिसकेका छन्।
जापानमा कोरोनाभाइरसको संक्रमणबाट ७३ जनाको मृत्यु भइसकेको छ भने ३५ सय भन्दा बढी संक्रमित छन्।