भरतपुर महानगरपालिकामा वडा नम्बर एक र दुईको गणना सकिएको छ। दुई वडाको गणना सकिएसँगै गठबन्धनकी रेनु दाहालले अग्रता लिएकी छन्।
अहिले ८०८५ मत गणना गर्दा गठबन्धनकी रेनु दाहालले ३ मतले अग्रता लिएकी हुन्।
केही समयअघि एमालेका विजय भरसुवेदीले उनलाई पछि पारेका थिए। अहिले फेरि रेनुले २९१८ मत ल्याउँदै अग्रता लिएकी हुन्।
एमालेका विजयले भने २९१५ मत ल्याएका छन्।
त्यस्तै स्वतन्त्र उम्मेवार जगन्नाथ पौडेलले ९२४ मत ल्याएका छन्।
उपमेयरमा गठबन्धनबाट चित्रसेन अधिकारीले ३१९६ मत ल्याएका छन् भने राप्रपाबाट हिमला गुरूङले २३१६ मत ल्याएकी छन्।
