बाग्लुङको गल्कोट नगरपालिकाको प्रमुखमा कांग्रेसका भरत शर्मा निर्वाचित भएका छन्।
निर्वाचन आयोगका अनुसार शर्माले ५ हजार ४ सय १४ मत प्राप्त गर्दै जित हात पारेका हुन्। शर्माले गत निर्वाचनमा पनि जित हात पारेका थिए।
उनका निकटतम प्रतिद्वन्द्वी एमालेका पूर्णबहादुर काउचा घर्तिलाई पछि पारे। घर्तिले ३ हजार ५ सय १९ मत ल्याए।
स्वतन्त्र उम्मेदवार मन्ज शर्माले ३ हजार २ सय ६२ मत प्राप्त गरिन्।
उपप्रमुखमा माओवादी केन्द्रका फमलाल नीउरे विजयी भए। उनले ६ हजार ३९ मत ल्याए।
उनका निकटतम प्रतिद्वन्द्वी रूपा विकले ३ हजार ५७ मत प्राप्त गरिन्। स्वतन्त्र उम्मेदवार तिलबहादुर उप्रेती केसीले १९ सय ८१ मत ल्याए।
-1746009348.jpg)
