सिन्धुपाल्चोकको हेलम्बु गाउँपालिकाको अध्यक्षमा नेपाली कांग्रेसका निमा ग्याजेन शेर्पा निर्वाचित भएका छन्।
यसअघि पनि अध्यक्ष जितेका शेर्पाले ५३८६ मत प्राप्त गरे। उनका निकटतम प्रतिद्वन्द्वी एमालेका दावा लामाले ४६०४ मत ल्याए। माओवादी केन्द्रका पेमा लामाले ८१३ मत प्राप्त गरे।
उपाध्यक्षमा कांग्रेसकी अप्सरा लम्साल लामिछाने विजयी भएकी छिन्। उनले ५२१४ मत हासिल गरिन्। एमालेकी गंगा अर्यालले ४६७१ मत प्राप्त गरिन्।
सात वटा वडा रहेको यो पालिकामा कांग्रेसले पाँच वडा जितेको छ। एमालेले दुई वटा वडा जित्यो।
कांग्रेसले १, २, ४, ५ र ७ को वडा अध्यक्ष जित्यो भने एमाले ३ र ६ नम्बर वडामा वडा अध्यक्षमा विजयी भयो।
सिन्धुपाल्चोकमा पहिलो पालिकाको मत परिणाम आएको हो।
-1746009348.jpg)
