समूह 'एच'मा जापान र सेनेगलभन्दा तुलानात्मक रूपमा बलिया मानिएका कोलम्विया र पोल्यान्ड पहिलो खेलमा हार नेहोरेसँगै नकआउट चरणमा प्रवेश गर्ने नगर्ने खतराको बीचमा रहेका छन्।
उस्तै हालतमा रहेका यी राष्ट्र आज कुने पनि हालतमा जीत निकाल्ने लक्ष्सहित मैदानमा उत्रिदै छन्। दुबै टोलीका लागि आजको खेलमा जीत अत्यावश्यक छ।
आजको खेलमा कुनै पनि टोलीका लागि हार भनेको समूहचरणबाट नै घर फिर्ती हुनु हो। आज नै भएको खेलमा बराबारीको नतिजामा खेल दुङ्ग्याउँदै समान ४-४ अंक हासिल गरेका कारण जापान र सेनेगल दोश्रो चरणका लागि बलियो अवस्थामा रहेका छन्। त्यसैले पोल्यान्ड र कोलम्बियाका लागि आज र समूह चरणको बाँकी एक खेलमा जीत निकाल्नैपर्ने दबाब छ।
यसरी 'गर या मर' को अवस्था रहेका यी दुबै टोलीको खेल निक्कै रोचक र प्रतिष्पर्धात्मक हुने अनुमान गरिएको छ।
त्यसैले कोलम्बियाले दोस्रो खेलमा जित निकाल्दै अन्तिम १६ को नगुमाउने मुडमा छ भने सन् २००१ र २००६ को विश्वकपमा समूह चरणबाटै बाहिरिएको पोल्यान्ड २०१८ मा पनि समूह चरणबाटै घर नफर्किने दाउमा छ।
अहिले हुने खेलमा कोल्म्बियाले चारवटा परिवर्तन गर्दै मैदानमा उत्रिदै छ भने पोल्यान्डले पनि टोलीमा परिवर्तन गरेको छ। समूह चरणको पहिलो खेलमा कोल्म्बिया पेनाल्टीमा जापानसँग पराजीत भएको थियो भने पोल्यान्ड सेनेगलसँग १-२ गोलले पराजीत भएको थियो।
