फिफा विश्वकप फुटबल अन्तर्गत समूह चरणको अन्तिम खेलमा अर्जेन्टिनाले अहिले नाइजेरियासँग खेल खेलिरहेको छ । जारी खेलको पहिलो हाफमा नाइजेरियाबिरुद्ध अर्जेन्टिनाले १-० को अग्रता बनाएको थियो।
अर्जेन्टिनाले पहिलो हाफमा बनाएको अग्रता उल्टाएर नाइजेरियाले खेल १ -१ को बराबरीमा ल्याएको हो ।
सेन्ट पिटर्सवर्ग स्टेडियममा मैदानमा नाइजेरियाका भिक्टर मोसेसले खेलको ५१ औं मिनेटमा पेनाल्टीमा गोल गरे। अर्जेन्टिनाका मस्चिरानोले नाइजेरियाका खेलाडीलाई फल गरेपछि पाएको पेनाल्टीमा मोसेसले सहजै गोल गरेका हुन्।
यसअघि अर्जेन्टिनाले कप्तान लियोनल मेस्सीको गोलबाट सुरुवाती अग्रता बनाएको थियो । खेलको १४ औं मिनेटमा मेस्सीले गोल गर्दै अर्जेन्टिनालाई सुरुवाती अग्रता दिलाएका हुन् । जारी विश्वकपमा मेस्सीको यो पहिलो गोल हो ।