विश्वकप फुटबल अन्तर्गत मंगलबार राति भएको अर्जेन्टिना र नाइजेरियाबिचको निर्णायक खेलमा खुसी मनाउने क्रममा म्यारोडोना बिरामी परेका छन्।
मैदानमा खेलाडीको प्रदर्शनबाट थपिएको उत्साह र विपक्षीको गोलबाट थपिइको निशारालाई लिएर विशिष्टका लागि छुट्याइएको रंगशालाको एक छेउमा रमाइरहेका म्यारोडोना बिरामी परेको खबर इएसपिएनले जनाएको छ।
खेलको सुरवाती १४ औं मिनेटमा आफूलाई मनपर्ने मेसीले गोल गर्दा उनी निकै उफ्रिए, सायद मेस्सी भन्दा धेरै खुसी उनै भए होलान्। जब ५१ औँ मिनेटमा नाइजेरियाले पेनाल्टीमा गोल गर्यो, त्यो बेला म्याराडोनाको अनुहारमा फेरि निराशा छायो।
त्यसपछ बराबरीको दिशा गएको खेलको ८६ औँ मिनेटमा मार्कस रोजोले गोल गरेपछि म्याराडोनाको अनुहारमा भरपुर उत्साह छायो। छेउछाउमा रहेका उनका सहयोगीसँग अंकमाल गरे, खुसील उफ्रिए र रमाए।
म्याराडोनालाई त्यो गोलको उत्साहले यसरी छोयो कि उनलाई चिकित्सा सहायकले त्यहीँ प्राथमिक उपचार गर्नु पर्यो ।
उनको रक्तचाप न्युन भएको रहेछ। मुलुकलाई विश्वकपको उपाधि जिताइसकेका ५७ वर्षिय म्याराडोनालाई सेन्ट पिटर्सबर्गमा रहेको अस्पतालमा लगिएको थियो।
केही समय अस्पतालमा बिताएर उनी फर्किएका छन्।