भोटेकोशी बाढी प्रभावितका लागि गैरआवासीय नेपाली संघ (एनआरएनए)ले ३ करोड १६ लाख रूपैयाँभन्दा बढी रकम संकलन गरेको जनाएको छ।
पूर्वप्रतिबद्धता अनुसारको सहयोग रकम प्राप्त हुने क्रम जारी रहेको एनआरएनएले जनाएको हो।
पदाधिकारीहरु, विभिन्न राष्ट्रिय समन्वय परिषद् (एनसिसी) तथा विदेशमा रहेका नेपालीहरूको व्यक्तिगत तर्फबाट हालसम्म आठ करोड ४९ लाख ३२ हजार चार सय दुई रूपैयाँ सहयोगको प्रतिबद्धता प्राप्त भएको समेत उल्लेख गरेको छ।
जुन प्रतिबद्धता मध्ये हालसम्म ३ करोड १६ लाख ८३ हजार ७१९ रूपैयाँ संकलन भइसकेको जनाएको हो।
बाँकी प्रतिबद्धता रकम संकलन तथा जम्मा गर्ने प्रक्रिया जारी रहेको एनआरएनएको भनाइ छ।
एनआरएनएका अनुसार पहिलो चरणमा एनसिसी साउदी अरेबिया,बहराइन र म्यानमार र नर्वेले फन्डरेजिङ अभियान सम्पन्न गरेका छन्।
बहराइन (२५ लाख ७९ हजार ३२८ रूपैयाँ),ओमान(१३ लाख १५ हजार रूपैयाँ),नर्वे (१७ लाख ८९ हजार ८४२ रूपैयाँ),साउदी अरेबिया (१० लाख रूपैयाँ) र म्यानमारबाट (६ लाख १ हजार रूपैयाँ) प्राप्त भएको छ।
बाँकी एनसिसीहरूबाट प्रतिबद्धता गरिएको रकम संकलन तथा जम्मा गर्ने प्रक्रिया जारी छ।
संघका कोषाध्यक्ष तथा सम्बन्धित प्रतिनिधिहरू मार्फत निरन्तर समन्वय र पत्राचार भइरहेकोले बाँकी प्रतिबद्धता रकम पनि क्रमशः कोषमा जम्मा हुने क्रममा छ।
-1746009348.jpg)
