लगानी मैत्री कानुन बनाउन प्रदेश सरकार लागि परेको प्रदेश नम्बर ७ का मुख्य मन्त्री त्रिलोचन भट्टले बताएका छन्। डोटी चेम्वर अफ कमर्सको आइतबार शाखा उद्धघाटन कार्यक्रममा बोल्दै उनले सो कुरा बताएका हुन्।
बिगतमा कानुन निर्माणका क्रममा त्रूटि भएकाले यसलाई सच्याएर प्रदेश सरकार अगाडि बढिरहेको उनले बताए। संघीय संरचनाको मुल मर्म नै विकास भएकाले यस तर्फ प्रदेश सरकार गम्भीर रहेको उनले बताए।
अहिले प्रदेश सरकारले कृषि ,पर्यटन ,जलश्रोत र जडीबुडीलाई बिशेष जोडका साथ उठाईरहेको भन्दै २ वर्ष भित्र खुटिया-दिपायल फाष्टट्रयाक सडकलाई सञ्चालनमा ल्याउने योजना रहेको दाबी गरे।
पश्चिम सेति सञ्चालनका लागि केन्द्र सरकारसँग माग गरेको र खप्तडको झिंरानासम्म बाह्रै महिना सडक सञ्चालनका लागि प्रदेश सरकार लागि परेको मुख्यमन्त्री भट्टले बताए।