प्रमुख प्रतिपक्षी दल नेपाली कांग्रेसका सभापति शेरबहादुर देउवाले काठमाडौंस्थित भारतीय राजदूतलाई फोन गरी कालापानी र लिपुलेक नेपालको भूमि भएको बताएका छन्।
कांग्रेस प्रवक्ता विश्वप्रकाश शर्माका अनुसार देउवाले बिहीबार राजदूत पुरीलाई फोन गरी भारतको नयाँ नक्साप्रति आफ्नो ध्यानाकर्षण भएको बताउँदै कालापानी र लिपुलेक नेपालको अविभाज्य भूमि रहेको तथ्य स्मरण गराएका थिए।
कांग्रेसले कालापानी र लिपुलेक नेपालको अविभाज्य भूमि रहेको तथ्यमा पार्टी प्रष्ट रहेको र कुनै पनि भूमिमाथि हुने कुनै पनि ढंगको अतिक्रमण अस्वीकार्य बताएको छ।
यस्तो महत्वपूर्ण प्रश्नमा दल विशेषको मतभन्दा माथि उठेर देशको साझा मत एवं त्यस्तो मतको प्रतिनिधित्व गरेर कूटनीतिक माध्यमद्वारा हल खोज्न सरकारसमर्थ हुनुपर्ने कांग्रेसको दृष्टिकोण छ। यसअघि परराष्ट्र मन्त्रालयले बुधबार विज्ञप्ति जारी गर्दै कालापानीबारे भारतको एक पक्षीय निर्णय मान्य नहुने बताएको थियो।
बिहीबार त्यसको जवाफ दिँदै भारतले नक्सामा भारतको सार्वभौम भूभाग समेटिएको र नेपालको सीमा परिवर्तन नगरिकएको जिकिर गरेको छ।
-1746009348.jpg)
