प्रधानमन्त्रीले बुधबार राति मन्त्रीमण्डल पुनर्गठन गरेको विषयलाई लिएर सत्तापक्षकै नेताहरूले असन्तुष्टि जनाएका छन्।
कार्यसम्पादनको आधारमा मन्त्रिपरिषद् पुनर्गठन गर्ने भनिए पनि अन्तत: गुटगत पूर्वाग्रह र लेनदेनकै आधारमा गरिएको नेकपा प्रदेश नम्बर २ का अध्यक्ष प्रभु साहले आरोप लगाएका छन्।
‘मन्त्री हटाउँदा वा राख्दा सामान्य कम्युनिष्ट मूल्य मान्यता पनि लागू भएको देखिएन’, बिहीबार फेसबुक स्टाटस लेख्दै उनले भनेका छन्।
‘योग्यहरूलाई हटाउने र अयोग्यलाई मन्त्री बनाउने नेतृत्वको यस्तो महान् कार्यले हामी फेरि एकचोटि लज्जित भएका छौं,’ उनले थपेका छन्।