जिल्ला अदालत काठमाडौंले सफाइ दिएपछि निवर्तमान सभामुख कृष्णबहादुर महराको स्वागतका लागि डिल्ली बजार कारागार क्षेत्रमा कार्यकर्ताको भीड लागेको छ।
महरालाई स्वागत गर्नका लागि कार्यकर्ताहरु फूलमाला लिएर लामबद्ध भएका छन्। महरा आजै डिल्ली बजार कारागारबाट छुट्ने भएका छन्। अदालतको फैसलाको पूर्ण पाठ प्राप्त भएपछि महरा कारागारबाट छुट्ने प्रहरीले जनाएको छ।
गत असोजमा सभामुखमा रहँदा संसद सचिवालयकै एक कर्मचारीमाथि बलात्कार गरेको आरोप लागेपछि महरा पक्राउ परेका थिए। महरालाई काठमाडौं जिल्ला अदालतका न्यायाधीश अम्मरराज पौडेलको इजलासले आज सफाइ दिएको हो।
सबै तस्बिर : नारायण महर्जन
