पाँचखाल नगरपालिकामा अत्यावश्यक बाहेकका सबै काम कात्तिक ११ गते सम्म बन्द गरिएको छ।
नगरपालिका कार्यालयले आफ्नो कार्यालय र मातहतका कार्यालयबाट अत्यावश्यक बाहेकका सेवा बन्द हुने जानकारी विज्ञप्ति जारी गर्दै दिएको हो।
कर्मचारीमा कोरोना संक्रमण देखिएपछि कात्तिक २ देखि ११ गतेसम्म कार्यालय बन्द गर्ने निर्णय भएको नगरका प्रमुख प्रशासकीय अधिकृत शिवप्रसाद हुमागाईंले जानकारी दिए।
नगरपालिकाका कर्मचारीमा कोरोना संक्रमण देखिएपछि नगर प्रमुख महेश खरेलको नेतृत्वमा रहेको नगर स्तरीय कोभिड-१९ निर्देशन समितिको बैठकले थप जोखिम हुन नदिन अत्यावश्यक बाहेक सबै काम बन्द गर्ने निर्णय गरेको विज्ञप्तिमा उल्लेख छ।